Wann een an enger Grofschaft wunnt, wëll dat net onbedéngt heeschen, dass d’Stroossen do besser sinn. Ganz am Géigendeel: d’Strooss virum Rod Stewart senger Hausdier ass voller Lächer an dat huet weder de berüümte Sänger, nach säi Sportswon immens gär.
De 77 Joer ale Stewart huet dunn einfach mol e giele Gilet ugedoen, huet d’Schëpp an de Grapp geholl an d’Lächer selwer flécke gaangen. Vu senger “Aarbechter-Aktioun” huet hien e Video gemaach an op Instagram gesat, fir op dee Problem opmierksam ze maachen: “Dat ass d’Strooss an der Géigend vun Harlow, wou ech wunnen - an déi ass schonn zanter Éiwegkeeten an dësem Zoustand”. Viru Kuerzem war enger Ambulanz do souguer e Pneu geplatzt. Dem Rod Stewart doropshi wuel de Kolli, awer méi aus Suerg ëm säi Ferrari.
