Mat ChatGPT kann een net nëmmen Texter schreiwen oder Froe beäntwere loossen, mee och kreativ Biller generéieren.
Aktuell sinn déi sougenannt “Starterpack"-Figuren zu engem reegelrechten Trend op Instagram ginn.
Déi stiliséiert Personnagë gi mat Hëllef vun AI generéiert an op eng iwwerdriwwen Aart duergestallt.
E Beispill
Eng Figur mat risege Kopfhörer, Kaffisbecher a Laptop kéint e Radiosanimateur vun RTL duerstellen. Mat de Stereotyppe gëtt gespillt.
Wéi entstinn d’Biller?
Dës Figuren entstinn duerch Kombinatioun vun Texter a Fotoen. Zum Beispill kann een der AI soen: “Gëff mir eng Figur, déi ausgesäit wéi e lëschtege Science-Fiction-Nerd mat Brëll an T-Shirt.”
D’Kënschtlech Intelligenz zaubert eng eenzegaarteg visuell Versioun.
Ob dësen Trend jidderengem gefält, ass eng aner Fro.
