Fotoen a VideoZu Réimech gouf traditionell de Stréimännche verbrannt
Op Äschermëttwoch gëtt all Joer zu Réimech de Stréimännche verbrannt an an d'Musel gehäit. Domadder ass d'Fuesent dann eriwwer.
Stréimännchen zu Réimech verbrannt (22.2.23)
The photos published on this site are subject to copyright and may not be copied, modified, or sold without the prior permission of the owner of the site in question.
Mat dësem Brauch gëtt de “Wëlle Mann” aus der Stad verdriwwen an d’Faaschtenzäit geet un. Dës dauert, wann dir et nach net gewosst hätt, 40 Deeg. Donieft symboliséiert dës Traditioun, genee wéi d’Buergbrennen och, den Ufank vum Fréijoer.
Zesumme mat engem Cortège gëtt de Stréimännchen duerch Réimech gedroen, dono dann op der Bréck verbrannt an an d’Musel gehäit. Traditionell huet de Männchen och ëmmer eng eidel Fläsch an en eidele Portmonni dobäi, fir ze weisen, dass et elo duergeet mat der ausgeloossener Fuesstëmmung.
An engem Schaltjoer gëtt iwwregens de weibleche Pendant, d’Stréifräche verbrannt.
Zu Réimech gouf traditionell de Stréimännche verbrannt
Mir waren dobäi, wéi op Äschermëttwoch zu Réimech de Stréimännche verbrannt an an d’Musel gehäit gouf. Domadder ass d’Fuesent dann eriwwer.
D'Preparatioune fir d'Verbrenne vum Stréimännchen op Äschermëttwoch (20.02.23)
The photos published on this site are subject to copyright and may not be copied, modified, or sold without the prior permission of the owner of the site in question.
