No 4 Joer si mam “Champ” a “Major” nees Hënn an den US-Presidentesëtz geplënnert, ma en Neiufank war et fir d’Hausdéiere vum Joe a Jill Biden am Wäissen Haus awer net. Well et e “Bäiss-Virall” gouf, mussen d’Muppe fort.
Schonn d’lescht Woch wieren d’Déieren nees am Haus zu Wilmington am Bundesstaat Delaware zeréck. De jonke Schéiferhond, den 3 Joer ale Major, soll aggressiv gi sinn an een Employée, sou wéi e Sécherheetsbeamten ugesprongen a gebass hunn.
Den Champ ass zanter 2008 Member an der Famill Biden. De Schéiferhond Major ass 2018 aus dem Déierenasyl dobäikomm.
Zanter der Presidence vum Barack Obama ware keng “First Dogs” méi am Wäissen Haus. Dem Biden säi Virgänger Donald Trump war den éischten US-President zanter iwwer engem Joerhonnert ouni Hond.
Et ass net gewosst, ob den US-Regierungssëtz elo ouni Hausdéier bleift. D’Jill Biden hat scho viru Wochen däitlech gemaach, dass si gär eng Kaz hätt. Ob et geschwënn eng “First Cat” gëtt, ass awer och nach net gewosst.
