Bei de Kontrolle gouf gekuckt, ob d’Gefierer technesch an der Rei waren, d’Dokumenter bei sech haten, respektiv ob d’Motocyclisten dat richtegt Ekipement unhaten.
An 9 Fäll gouf et en Avertissement taxé, well d’Motocyclisten ze séier gefuer sinn. A 6 Fäll waren 145 Euro Strof fälleg an 2 Punkten um Fürerschäin.
An 11 Fäll konnten d’Motocyclisten d’Dokumenter vun hirem Gefier net virweisen.
Net manner wéi 30 Mol gouf e Protokoll geschriwwen, well d’Motorrad technesch net konform war, sou z.B. wat Auspuff, Pneuen, Geliits oder Immatrikulatiounsplack ugeet.
24 Protokoller hu musse geschriwwe ginn, wéinst geféierlechem Fueren.
7 Motocyclisten hate kee konformen Helm un a 4 hate keen obligatoresche Sécherheetsgilet dobäi.
Zwee Motocyclisten sinn dann och negativ opgefall, well se vill ze séier ënnerwee waren (délit de grande vitesse) an an 3 Fäll gouf et e Protokoll, well d’Motocyclisten ouni Fürerschäi gefuer sinn.
