24 Verkéiersdoudeger goufen et d’zejoert. Dovunner waren et der dräi um Moto. Siwe Mënschen hunn hiert d’Liewen 2020 duerch e Motorradsaccident verluer.Nei Panneaue laanscht d’Stroosse sollen hëllefen, d’Motoschauffeuren ze sensibiliséieren. Dräi Méint laang dauert déi nei Campagne. A si ass méi ewéi jee néideg.2020 goufen et 43 Schwéierblesséierter duerch Motorradsaccidenter. Ze héich Vitesse ass dacks Schold un den Accidenter.Bei de Policekontrollen, déi d’lescht Joer tëscht Abrëll a September gemaach goufen, huet d’Police 341 Mol e Protokoll wéinst ze héijer Vitesse ausgestallt. Och wéinst Helmer, déi net konforme waren, hunn d’Biker missen an Täsch gräifen.
