No engem Accident mat engem Cargoschëff de 14. Mäerz war d’Fär “Sankta Maria II” net a Betrib.
Wéi d’Gemeng Oberbillig op Twitter matdeelt, géing d’Fär zanter e Samschdeg nees fueren, allerdéngs fir den Ament just bis 14.30 Auer mëttes. Dat well et krankheetsbedéngt u Personal géing feelen. Normalerweis transportéiert d’Fär dem Buergermeeschter vun Oberbillig no eng 550 Leit a 400 Autoen den Dag. Se gëtt vu Frontalieren, Schüler an Touristen genotzt.
