Deemno wier d’Havilland Q400 mat der Nummer LX-LGG ouni Problemer zeréck um Findel gelant. D’Passagéier u Bord wieren ausserdeem vum Kapitän an der Crew informéiert ginn, datt hir Sécherheet net a Gefor war.
Fir datt dës nach e Freideg op hirer Destinatioun Dublin ukommen, huet d’Luxair e weidere Fluch am Nomëtteg organiséiert.
D’Luxair rappelléiert ausserdeem, datt si esou Stéierunge probéieren, ze verhënneren, ma d’Sécherheet vun de Passagéier an dem Personal hätte Prioritéit, wouduerch et zu esou ongeplangten Tëschefäll ka kommen.
