Bettenduerf, Dikrech, Ierpeldeng, Ettelbréck a Schieren lancéieren domat e Pilotprojet, deen am Koalitiounsvertrag virgesi war. Deemno ass vum 7. Juli un e QR-Code op den 150 RGTR-Busarrêten an deene Gemengen disponibel. Wann een dëse scannt, kënnt een op enger Websäit eraus, déi engem d’Echtzäitinformatioune vum Bus respektiv dem Arrêt, wou ee steet, uweist. Um Site fënnt een och d’Fuerpläng souwéi d’Linne vum jeeweilegen Arrêt an et kann ee seng Reesroute plangen.
