Fuoriconcorso ass eng exklusiv Eventrei, déi zanter 2019 d’Automobilkultur, Design a Sammler matenee verbënnt. Gegrënnt gouf d’Evenement vum italieeneschen Entrepreneur Guglielmo Miani.
An der Villa Grumello, en Domaine aus dem 17. Joerhonnert mat Vue op de Comer Séi, waren och bei dëser Editioun nees aussergewéinlech Autoen ze fannen. Esou zum Beispill Rennsport-Legende wéi de Maserati MC12 Corsa, de Ferrari F40 LM oder de Mercedes-Benz CLK GTR.
Och modern Dramautoe wéi de Pagani Imola, de Koenigsegg Jesko Attack oder den Apollo Intensa Emozione huet een um FuoriConcorso genuch fonnt.
Am Kader vun dësem exklusiven Event war et dann och d’Gebuertsstonn vun enger neier Autosmark. RTL war mam Automag live op dësem Event dobäi. Erklärungen an Impressioune vun der Weltpremière vum “Bovensiepen Zagato” ginn et op auto.rtl.lu.
