An der Resolutioun geet och Rieds iwwer den TICE-Reseau. Deen dierft net ouni d’Bedeelegung vun alle Member-Gemenge vum TICE-Syndikat reorganiséiert ginn, betount d’LSAP-Süden. Och an Zukunft sollt all Gemeng onofhängeg vun hirem finanzielle Bäitrag dat selwecht Matbestëmmungsrecht wéi bis elo behalen an d‘Aarbechtsplaze beim TICE missten erhale bleiwen. Wat d‘Plange vun der séierer Tramslinn tëschent Lëtzebuerg a Bieles ugeet, esou missten déi concernéiert Gemenge kontinuéierlech abezu ginn, esou eng weider Fuerderung.
