Heiwéinst wäerte vum 29. Abrëll bis den 1. Juli allkéiers vun 23 Auer un deelweis keng Zich op den nërdleche Linne Stad - Dikrech, Kautebaach - Wolz a Stad - Ëlwen fueren.
Als Ersatz wäerten d’CFL Navetten ubidden. Méi Infoen dozou fannt Dir op cfl.lu
Eng Unitéit vun den neien “Coradia High Stream Capacity"-Automotricë besteet aus 3 Ween a gouf an där Form och scho getest. Elo solle si an Unitéite vu 6, respektiv 9 Ween getest ginn. Déi 34 nei Automotricë solle bis 2025-2026 d’Offer u Sëtzplazen an den CFL-Zich ëm 46% erhéijen.
