An der Chamberkommissioun fir d’Travaux publics goufen en Donneschdeg verschidde Projeten diskutéiert, déi méi wéi 10 Milliounen Euro wäerte kaschten, an domadder d’Zoustëmmung vun der Chamber brauchen.
Beispillsweis en neie Park&Ride bei der Diddelenger Autobunn, Contournementer fir Dikrech an Ettelbréck oder Aarbechten un der Staumauer zu Esch-Sauer. Do ass souguer e Finanzéierungsgesetz néideg, well d’Käschten un der Staumauer bei iwwer 60 Millioune wäerte leien.
