Eleng an Hessen hu Beobachter bal 199.000 Villercher gezielt. Dëst sinn awer nach virleefeg Zuelen, well nach bis de 24. Mee Beobachtungen am Kader vun der Aktioun “Stunde der Gartenvögel” kënne gemellt ginn.
Am heefegste gouf den Hausspatz gesinn. D’Märel koum op Plaz 2 a gouf der Ëmweltorganisatioun Nabu no an iwwer 92% vun den Zielunge gemellt.
Ma och fir d’Blomees ginn et gutt Noriichten. Dës huet sech vum Massestierwen aus dem Fréijoer 2020 gutt erholl, erkläert de Gerhard Eppler vun Nabu. Am grousse Ganze goufen an de Gäert nees méi Vulle beobacht.
Eng negativ Entwécklung gouf et allerdéngs beim Leeëndecker, der Fënsterschmuewel, dem Grénge Fénk an dem Maiskinnek.
