De Boris Johnson war wéinst enger Rei Partye wärend dem éischte Corona-Lockdown an d’Kritik geroden. Mat der Geldstrof, déi hien elo vun der Police krut, ass confirméiert ginn, dass d’Partyen zu deem Ament illegal waren. De Boris Johnson wëll awer wéi gesot net zerécktrieden a sot hie wéilt “d’Problemer vum Land ugoen”. Hien hätt d’Strof bezuelt a wéilt sech fir säi Feeler entschëllegen.
Op d’Froen, ob hie mat sengem Verhale Gesetzer gebrach hätt, ass de brittesche Premier net agaangen.
