Déi franséisch Rietspopulistin Marine Le Pen huet de President Macron opgefuerdert, e Referendum iwwer wichteg politesch Froe wéi zum Beispill d’Migratiouns- a d’Sécherheetspolitik, oder nach iwwer d’Gesondheet oder d’Kafkraaft z’organiséieren.
E Referendum kéint hëllefen, déi politesch Impasse z’iwwerwannen, déi zanter de Walen am Juli am Land z’observéieren ass, fënnt d’Fraktiounscheffin vum Rassemblement national.
De Macron huet virun e puer Deeg den konservativen, fréieren EU-Kommissär Michel Barnier als neie Premier nominéiert. Den RN géing eegenen Aussoen no ofwaarden, wat de Barnier a senger Regierungserklärung seet, ier se ee Mësstrauensvott géinge stellen.
E Samschdeg waren honnertdausende Mënschen uechter Frankräich op d’Stroosse gaangen, fir géint de Barnier an de Macron ze protestéieren.
