Den Ausseministère zu Moskau huet e Samschdeg eng Lëscht mat 963 Nimm verëffentlecht. Nieft dem US-President Joe Biden an dem Ausseminister Anthony Blinken an dem Verdeedegungsminister Lloyd Austin stinn och Nimm wéi Morgan Freeman a Mark Zuckerberg drop.
Verwonnerlech ass, dass nieft enger Partie Regierungsvertrieder an Deputéierten och den Numm vun enger verstuerwener Persoun steet. De fréiere Senateur John McCain dierf net méi a Russland areesen. Hien ass allerdéngs schonn am Joer 2018 un engem Gehiertumor gestuerwen.
