D'staatlech Hëllefe fir Gas a Stroum lafe jo nach bis Enn d'nächst Joer, Enovos erhéicht awer op den 1. Januar d'Tariffer fir den Naturstroum.

D'Hausse mécht an der Moyenne fir e Stot vu 4 Leit an engem Verbrauch vu 4.000 Kilowatt eng 80 Euro d'Joer aus, eng Zomm, déi Enovos no an der Reegel duerch d'staatlech Hëllefe kompenséiert ginn. D'Primm, déi pro Mount gerechent gëtt, ännert Enovos net.

D'staatlech Hëllefe gëllen jo fir Stéit, déi am Joer manner wéi 25.000 Kilowatt Stroum verbrauchen. Fir en Eefamilljenhaus mat engem Verbrauch vu 5.000  Kilowatt mécht dëst eng Zomm vu 610 Euro aus, déi de Staat bei d'Elektresch-Rechnung bäileet.

Fir d'staatlech Subventioune beim Gas ass d'Zomm nach méi substantiell: bei engem Joresverbrauch vun 2.500 Meterkibb d'Joer fir en Eefamilljenhaus mécht d'staatlech Hëllef eng 2.500 Euro aus.