Géint 18.30 Auer en Dënschdeg den Owend waren um CR159 an Direktioun Sandweiler 2 Autoen an e Wëllschwäin an eng Kollisioun verwéckelt. Eng Persoun gouf hei blesséiert.
Zu enger Kollisioun mat 2 Gefierer koum et en Dënschdeg den Owend géint 20.15 Auer um Ban de Gasperich an der Stad, hei goufen 2 Blesséierter gemellt.
Géint 21.45 Auer sinn dann nach zu Esch 2 Busser aneneegerannt. Hei gouf eng Persoun verwonnt.
Zu Biissen gouf et de Mëttwoch de Moie fréi e gréissere Brand an enger Fabrick. De CGDIS mellt, dass d’Pompjeeën aus direkt 7 Zentren am Asaz waren. Detailer feelen nach, mä et gouf keng Blesséierter.
E Mëttwoch de Moie gouf et dann nach op der A4 op der Héich vum Zéissenger Kräiz en Accident mat 2 Autoen, hei ass eng Persoun liicht blesséiert ginn.
