Déi zwee presuméiert Täter konnte festgehale ginn, bis d’Police op der Plaz war. Am Kader vun den Ermëttlungen huet sech erausgestallt, datt ee vun den zwee Männer et scho méi dacks mat der Police ze dinn hat - allerdéngs ënnert engem aneren Numm. Hie gouf op Uerder vum Parquet festgeholl a gouf e Samschdeg de Moien dem Untersuchungsriichter presentéiert. Vun deem anere Mann goufen d’Personalien opgeholl an hie gouf protokolléiert.
Kuerz no Mëtternuecht an der Nuecht op e Samschdeg gouf d’Police dann nach op Biwer geruff, wou ee Familljesträit eskaléiert war. Eng Persoun gouf geschloen, woubäi hei net preziséiert gouf, ob et sech ëm e Mann oder eng Fra gehandelt huet. De presuméierten Täter gouf jiddefalls op Uerder vum Parquet ugewisen, déi gemeinsam Wunneng ze verloossen. D’Affer koum fir eng Kontroll an d’Klinick.
