Ugefaangen haten d'Ekippe vum der Police um 21 Auer um Potaschbierg, wou si hir Zelter eng Stonn méi spéit ofgebrach hunn. Um 22:45 Auer goung et dann nees fir eng Stonn zu Mäertert weider. Dobäi goufen 188 Automobiliste kontrolléiert a sechs vun hinnen haten ze déif an d'Glas gekuckt. Fënnef koume mat engem Procès verbal dovun an engem Fall huet de Chauffer awer säi Permis missten doloossen.
Bei dëser Kontroll goufen donieft nach 13 aner Verstéiss géint de Code de la route festgestallt.
