"D'Bluttreserve ginn zeréck" Grand-Duc reagéiert op Opruff vu Croix Rouge a geet Blutt spenden

RTL Lëtzebuerg

Wann d'Bluttreserven am Land erofginn, kann dat am Fall wou schwéier Konsequenze fir déi Leit hunn, déi duerch déi verschiddenst Ëmstänn op eng Bluttkonserv ugewise sinn.

Verëffentlecht: 27.10.26 19:59, Update: 27.10.26 20:32

https://monarchie.lu/sites/default/files/styles/2000/public/upload/media/image/2026-10/20261027_dondesang-09.jpg?itok=q-ZoAvuw

De Grand-Duc Guillaume gehéiert zu deene Leit zu Lëtzebuerg, déi reegelméisseg Blutt spenden.

Virun enger Woch huet d'Croix Rouge an de soziale Medie matgedeelt, datt d'Bluttreserven op en Enn ginn an d'Leit opgeruff, fir Blutt ze spenden, fir datt am Fall wou es gebraucht gëtt, genuch Blutt do ass.

Reserve gi knapp

D'Croix-Rouge mécht en dréngenden Opruff, Blutt spenden ze goen

20.10.2026

Wéi d'Cour Grand-Ducale matdeelt, war de Groussherzog, dee reegelméisseg Blutt spent, dësen Dënschdeg dem Opruff nokomm an huet sech picke gelooss, fir eng Bluttspend ofzeginn.

Wärend dem Bluttspende kënnt och eise Staatschef mat anere Spender an d'Gespréich.

Mat dësem Message: "Un grand merci à Son Altesse Royale le Grand-Duc pour son don de sang et son engagement solidaire. Alors que nos stocks sont actuellement bas, chaque don compte ! Prenez rendez-vous en ligne : https://dondusang.lu/rendez-vous/" huet d'Rout Kräiz an de Soziale Medien dem Staatschef Merci gesot.