Insgesamt goufe 36 Chauffere protokolléiert, well si d’Verbuetsschëld an der Rue du Fossé net respektéiert haten. A véier Fäll koumen dann nach Protokoller derbäi, well et Probleemer bei den Dokumenter - wéi zum Beispill der Steiervignette oder dem Fürerschäin - gouf.
En Dënschdeg huet d’Police tëscht 8 an 10 Auer an Zesummenaarbecht mat der Douane dann och nach eng Verkéierskontroll an der Stad gemaach, dat op der Héicht vum Salzhaff. Hei goufen 10 Chauffere protokolléiert, well hire Contrôle technique ofgelaf war. Véier weider Chauffere konnte kee gültege Fürerschäin an 12 keng gülteg Steiervignette presentéieren. Sechs Chauffere goufen iwwerdeems mam Handy um Steierrad erwëscht, a bei engem weidere Chauffer war den Auto net an der Rei.
