Éischten Informatiounen no ass en Auto vu Giewel aus a Richtung Simmerschmelz ënnerwee gewiescht, wéi him en Auto entgéintkoum, dee seng Pharen unhat an op der Géigefuerbunn gefuer ass. Den Auto aus Richtung Giewel huet doropshi missen auswäichen, ass am Gruef gelant a mat engem Bam kollidéiert.
Blesséiert gouf zwar keen, mee de Chauffer, wéinst deem den aneren Autosfuerer auswäiche misst, ass einfach weidergefuer, ouni sech ëm de Schued ze këmmeren oder nom Automobilist ze kucken.
D'Police sicht an deem Zesummenhang elo no Informatiounen zum Chauffer, dee geflücht ass. All Hiweiser zu dësem, oder zum Accident, ass fir de Policebüro vu Capellen/Stengefort, deen een ënnert der Nummer (+352) 244 30 1000 oder per Mail u Police.CAPELLENSTEINFORT@police.etat.lu kontaktéiere kann.
