Am nationalen Aktiounsplang géint Aarmut sti vill gutt Mesuren. Dat sot de Raoul Schaaf am RTL-Interview um Méindeg de Mueren. Hien ass de President vum comité national de defense sociale, kuerz CNDS, deen zanter bal 60 Joer sozial schwaache Leit an de Beräicher Schaffen a Logement hëlleft. Bekannt sinn zum Beispill den Abrigado an d’Vollekskichen.
Positiv am Plang wier d’Harmoniséiere vun- an d’Informéieren iwwert d’Hëllefen. Wat och ëmmer vun de Leit vum Terrain gefuerdert gouf. Méi negativ wier, datt keng Hausse vum Mindestloun virgesinn ass, well de sougenannte Phänomen vun de “Working Poor” hëlt zou, also Schaffen an awer am Aarmutsrisiko liewen.
Rendez-vous fir den Interview mam Invité vun der Redaktioun all Dag vu méindes bis freides um 8 Auer op RTL Radio Lëtzebuerg an am Livestream och op RTL.lu an an der App (Audio a Video). Op RTL.lu an op RTL Play ass d’Emissioun dono och am Replay ze fannen.
