Eng éischte Kéier koum et zu Steesel op Rellent kuerz no 23.30 Auer zu engem Accident, an deen een Auto dra verwéckelt war. Hei waren nieft dem Ettelbrécker Samu och d’Rettungsekippe vu Steesel, Lëntgen, Miersch an der Stad op der Plaz, fir sech ëm déi zwou blesséiert Persounen ze këmmeren.
D’Ekippe vun Diddeleng a Beetebuerg waren dann op d’A13 geschéckt ginn, wou kuerz viru 4 Auer en Auto an der Sortie Helleng en Accident hat. De CGDIS mellt hei ee Blesséierten.
