Zu engem éischten Accident koum et deemno géint 7.35 Auer op der RN07 tëscht Miersch an dem Rouscht op der Héicht vun der Autobunnsopfaart. Hei waren zwee Autoen aneneegerannt. Zwee Leit goufen dobäi verwonnt a vun den Ambulanciere vum Zenter Nordstad an de Pompjeeë vu Miersch versuergt.
Kuerz no 8 Auer hat et iwwerdeem um CR266 tëscht Siren an Duelem tëscht zwee Autoe gerabbelt. Hei gouf eng Persoun blesséiert. Um Asaz waren d’Ambulanciere vum Findel an d’Pompjeeë vun Duelem.
Op der A6 bei Stengefort gouf et géint 9.45 Auer eng Kollisioun tëscht dräi Autoen, bei där zwee Leit verwonnt goufen. Hei waren d’Rettungsdéngschter vum Zenter Stengefort-Käerch an d’Ambulanciere vu Mamer am Asaz.
