Vill vun eis kenne bekannt, opfälleg oder schéi Plazen hei am Land. Ma wësst Dir dann och, wéi dës ausgesinn, wann Dir se aus engem 90-Grad-Wénkel gesitt?

An eiser Fotoserie "92,5 Grad Lëtzebuerg" werfe mer e ganz anere Bléck op de Grand-Duché. Mir weisen déi verschiddenste markant, bekannt oder manner bekannt, flott, grouss oder kleng Plazen, Gebaier oder Monumenter aus engem ganz anere Bléckwénkel. Nämlech voll vun uewen... aus 90 Grad.

Déi nächst Woche weise mer Iech verschidde Plazen aus der Vugelsperspektiv a picken eis awer och ee Motiv eraus, no deem Dir op d'Sich kënnt goen.

A wou ass dat heiten?

Rot mat a fannt eraus, wou dës Fotoen opgeholl goufen. Bis 9.20 Auer hutt der d'Méiglechkeet, op d'Plaz ze kommen an eisen RTL-Mataarbechter ze fannen. Déi éischt Persoun, där dat geléngt, déi gewënnt eise Präis vum Dag.

Dir sidd et scho gewinnt. Mir fänke mat deem Bild un, wou der am mannsten drop erkennt. An awer, dës Woch schéngt et e bëssi méi liicht ze sinn. / © Domingos Oliveira
Also mat dem Tiermche kéint et sech ëm eng Buerg oder e Schlass handelen... Dat mécht d'Auswiel zu Lëtzebuerg awer net méi einfach. / © Domingos Oliveira
Dës Plaz ass dann och als Event-Location net onbekannt... / © Domingos Oliveira
... Ënner anerem de leschte Weekend war hei eng méi lass. / © Domingos Oliveira
Also spéitstens bei dësem Bléck erkennt, een, datt et e Schlass ass. / © Domingos Oliveira
Mat engem Schéine groussen Haff an der Mëtt...
... a ganz vill Gréngs ronderëm. / © Domingos Oliveira
Mir sinn an der flächeméisseg Gréisster Gemeng am Kanton Esch.
Dat zu Suessem...
An hunn natierlech d'Suessemer Schlass gesicht.
Les photos diffusées sur ce site sont soumises à des droits d’auteurs et ne peuvent être copiées, modifiées, vendues, sans l’autorisation préalable du propriétaire du site en question.

De Gewënner vun dëser Editioun:

RTL

Detailer zum Spill

All 15 Minutten a bis mer e Gewënner fonnt hunn, weise mer eng weider Foto, déi e bësse méi vun der Plaz wäert weisen. D'Spill leeft eng gutt Stonn. Sollt bis zu deem Zäitpunkt keng Persoun op d'Plaz komm sinn, ass d'Chance op de Kaddo verflunn.

*De Gewënner muss op d'mannst 18 Joer al oder a Begleedung vun hirem Tuteur sinn. Fir ze gewannen, muss d'Persoun averstane sinn, datt hir Foto an hiren Numm op den RTL-Lëtzebuerg-Plattforme publizéiert gëtt.

Wisou "92,5 Grad"?

Et dierft Iech dobaussen opgefall sinn. D'Fotoe sinn alleguerten aus engem 90-Grad-Wénkel opgeholl ginn. Den Numm "92,5 Grad Lëtzebuerg" huet awer nach eng aner Bedeitung.

D'Zuel "92,5" dierft den treien Nolauschterer vun RTL Lëtzebuerg bekannt virkommen: Et ass eng a wuel déi bekanntste Frequenz vun eisem Radio. Mat dësem Numm wëlle mer d'Relatioun tëscht dëser Serie, dem Grand-Duché an RTL nach méi an Evidenz setzen.

De Kaddo vun der Woch

Dës Woch kënnt der eng connectéiert Wiederstatioun gewannen.