Op Videoen, déi op de sozialen Netzwierker publizéiert goufen, ass ze gesinn, dass e puer Männer vun der Raubkatz blesséiert goufen. Der Noriichtenagence AFP no wieren insgesamt 5 Mënsche blesséiert ginn.
Wéi e Beamte vun der lokaler Police géigeniwwer der Noriichtenagence sot, wier d’Déier a Panik am Geriicht ronderëm gelaf. Poliziste mat Schutzkleeder a Fakelen hätte probéiert, de Leopard nees anzefänken.
Wéi et vun offizielle Sourcen heescht, géif an Indien an der Moyenne ee Leopard den Dag ëmbruecht ginn, well e mat Mënschen a Kontakt kënnt. Dat wier wéinst der Zerstéierung vun de Bëscher ëmmer méi dacks de Fall.
