Well e Mann eng Guillotine an Originalgréisst op Washington bruecht huet, ass e Mann an der US-Haaptstad festgeholl ginn. D'Police geheit dem 35 Joer ale Mann aus Kalifornien vir, "eng geféierlech Waff" transportéiert ze hunn. De Pickup vum Mann stoung, wärend deem de Mann festgeholl gouf, falsch an enger Strooss net wäit vum Kapitol an dem Ieweschte Geriichtshaff geparkt.
D'Police deelt mat, dass eng Guillotine saiséiert gouf. Ermëttlungen iwwert den Hannergrond vum Verdächtegen a wisou en op Washington komm ass, géifen elo lafen, heescht et säitens den Autoritéiten. De Mann koum en Dënschdeg an Arrest.
An den USA goufe Guillotinen iwwregens offiziell ni fir Hiriichtungen agesat. Se ass virun allem fir den Asaz wärend der franséischer Revolutioun bekannt.
