Ronn 1.400 jonk Professioneller aus 70 Länner wäerten a 64 verschiddene Beräicher op enger Zort Beruffsweltmeeschterschaft zu Shanghai géinteneen untrieden. Mir hu mam Jonah Gasper an dem William Cao geschwat, déi Lëtzebuerg vertriede wäerten.
2024 gouf d'Kompetitioun zu Lyon organiséiert. Dëst Joer geet et dann awer méi wäit an den Osten, op Shanghai. Sechs jonk Participanten aus Lëtzebuerg wäerte sech mat e puer vun de beschte jonke Fachleit aus der ganzer Welt moossen. Ënnert hinne sinn den 23 Joer alen Jonah Gasper, deen an der Kategorie "Entretien vu Fligeren" untrëtt an de 24 Joer ale William Cao, deen un der Kompetitioun fir "digitaalt Bauen" deelhëlt. Allebéid hu sech dat lescht Joer op dës Weltmeeschterschaft virbereet, woubäi déi lescht Woche fir en intensiven Training genotzt goufen. De Jonah bereet sech bei Cargolux vir, zesumme mat engem Expert, dem Frank Meysenburg, wärend de William enk mam Expert, dem Bryan Chlecq, am Lycée Josy Barthel zu Mamer zesummeschafft.
Fir d'Participanten an hir Experte geet d'Erausfuerderung iwwer déi technesch Fäegkeeten eraus. Och den Ëmgang mat Zäit an Drock spillt eng wichteg Roll.
