Um Ufank vum 19. Joerhonnert war d’Bunn den einfachste Moyen fir ze reesen a sou haten och d’Royals ëmmer hire ganz private Waggon. 1894 gouf de Salon Numéro 10 Grande-Duchesse gebaut an en huet zum Reseau ferrovière d’Alsace-Lorraine gehéiert. E fréiert wichtegt Eisebunnsnetz tëscht Frankräich a Lëtzebuerg. No senger aktiver Zäit koum en an de Besëtz vun der franséischer Eisebunn a steet zanter véier Joerzéngte restauréiert an der Cité du Train zu Mulhouse. Mir waren an dëse Musée e Stéck Lëtzebuerger Geschicht ukucken.
