© Patrick Greis
Bis no der Vakanz héiert der e 'Best of' vu Gespréicher aus de leschte Méint. Den Detlef Steves kennt een vun der däitscher Televisioun, mee en huet och schonn eng Kéier eng éierbar Aarbecht gehat a war Gastronom. E war awer och 'Rausschmeisser' oder huet Autosstécker ausgeliwwert bis hien e Fouss an d'TV-Welt gesat huet. Mat 'Ab ins Beet!' goung et lass, mëttlerweil ass den Detlef Steves a ganzer 26 däitsche Reality-TV-Formater opgedaucht. Am 'Café des artistes' ass en zwar net explodéiert mee huet dem Dan Spogen, Raoul Roos, Mike Fandel a Shari Schenten en Abléck a säin ofwiesslungsräicht Liewen ginn. Piano: Marc Schmidt
Muer géint 17h15 zielt d'Caroline Mart wéi d'Reaktiounen op den éischten TV Optrëtt waren. Mir héieren wéi et deemools war schwanger an enger Redaktioun mat Männer ze schaffen a firwat deemools Tréinen doheem gefloss sinn.
De ganze Podcast gëtt et ëmmer samschdes op RTL PLAY an op ville Podcast-Plattformen
