Nodeems d'Irem nach am Januar op der Bün vum Luxembourg Song Contest stoung, kënnt elo schonn erëm nei Musek vun der Kënschtlerin.
An de leschte Wochen a Méint gouf vill geschafft a vill Lidder sinn och nach prett fir a nächster Zäit released ze ginn. Scho puer Mol huet d'Lëtzebuergerin mam Museker Tim Baldus zesumme geschafft, dësen huet elo gefrot gehat, ob d'Irem net wëll bei dëser Single matwierken. "Pastis" ass d'Resultat an ass de perfekte Summerbeat.
The Disliked gëtt et elo scho 24 Joer, als Schülerband hu se ugefangen a virun 2 Wochen hunn se hier Single "The Zoo" erausbruecht.
Elo den 2. Mee ass an de Rotondes hier grouss EP-Release. Mat dobäi sinn nach Dillendub a Le Vibe. Sie sinn zu 6 an hunn elo och en neie Sänger mat dobäi, de Ben Nilles.
De Rapson, mat richtegem Numm Raphaël Clement, ass e Lëtzebuerger Rapper, deen de leschte Freiden seng nei Single SWEATER erausbruecht huet.
Hien huet 22 Joer, studéiert Geo zu Bonn a mëscht zanter 2022 eege Musek. Laang Jore war hien am Conservatoire an huet sech do fir déi klassesch Musek interesséiert, mee Rap an Hip-hop fënnt hien awer och schonn ëmmer top. Säin éischten Album huet hien 2025 erausbruecht.
Lauschtert hei nach emol alleguerten d'Lidder aus der Emissioun:
