De Kinepolis hei um Kierchbiert organiséiert dëse Weekend, vum Samschdeg op de Sonndeg en Harry Potter Marathon Event, bei deem all 8 Filmer vun der Saga gewise ginn. Mir proposéieren iech haut e klengen Iwwerbléck iwwert d'Filmer, do si mer beim zweeten Deel Harry Potter and the Chamber of Secrets.
Den zweeten Harry Potter Film féiert de Public zeréck op Hogwarts, dës Kéier a méi eng däitscher Atmosphär. Komesch Attacke maachen d'Schoul onsécher a scho geschwënn ass kloer: En däischtere Secret läit an der legendärer Schreckenskummer. Den Harry gëtt op en Neits op d'Prouf gestallt, wärend Rumeuren seng Hierkonft a Fro stellen. D'Bedreeung duerch de Basilisken an d'Decouverte vum Tom Riddle sengem Agenda brénge Spannung a verbannen d'Handlung geschéckt mam Voldemort senger Vergaangenheet.
Gläichzäiteg bleift awer och Raum fir déi lëschteg Dynamik tëscht dem Harry, Ron an Hermine, déi d'Geschicht dréit. Besonnesch ass och déi visuell Zeen vum Basiliskenkampf, déi Courage a Kreativitéit betount. Esou entwéckelt de Film den Toun virun, weist éischt däischter Facette vun der Saga a baut Spannung fir d'Zukunft op.
De Marathon geet e Samschdeg um hallwer 10 Moies un an dauert bis e Sonndeg de Moien. Wärend dem Event ginn et och Erfrëschungspausen a Kaffi Moies.
