E Samschdeg kënnt et um 17.30 Auer zur Explikatioun tëscht Steesel an Diddeleng. Am Championnat hat sech d’Amicale knapp géint den T71 musse geschloe ginn.
E Sonndeg treffen um 15 Auer Bartreng an Esch openeen. An der Enovos League war dës Explikatioun eng kloer Affär fir d’Damme vun der Sparta gewiescht.
Um 20 Auer spillt Steesel e Samschdeg géint Ettelbréck. D’Etzella hat sech am Championnat relativ kloer géint de Géigner aus dem Uelzechtdall behaapte kënnen.
E Sonndeg ass et um 17.30 Auer den Duell tëscht Bartreng an der Fiels. D’Arantia hat et am Championnat als éischt Ekipp fäerdeg bruecht, géint de Leader Sparta ze gewannen.
Fir béid Deeg, e Samschdeg an e Sonndeg, kann ee seng Entréesticketen nach online bestellen. Wie keng méi sollt kréien, kuckt sech déi véier Halleffinallen online op RTL.lu un.
