Déi 20 Joer jonk Kaufmann, déi als éischt Europäerin sech de Weltmeeschtertitel bei der U19 séchere konnt, war besser an d'Partie gestart. Mat zwee knappe Säz, zwee Mol 11:9, konnt si sech op 2:0 ofsetzen. D'Ni Xia Lian huet et am drëtte Saz du besser gemaach an dësen 11:6 fir sech decidéiert.
Beim Stand vun 2:1 an de Sätz gouf et dunn nees e ganz enke véierte Saz (12:10), deen awer zum Schluss nees un déi jonk däitsch Spillerin goung. Am fënnefte Saz war d'Loft du bei der 63 Joer aler Lëtzebuerger Nationalspillerin eraus a si huet dëse kloer mat 1:11 missten ofginn.
D'Annett Kaufmann setzt sech domadder 4:1 géint déi fréier Europameeschterin Ni Xia Lian duerch a qualifizéiert sech fir d'Véierelsfinallen.
