Am Dëschtennis huet sech d'Lëtzebuerger Koppel Luka Mladenovic / Maël Van Dessel, iwwerraschend fir d'Dubbel-Finall beim WTT-Contender-Tournoi zu Istanbul an der Tierkei qualifizéiert. Si hu sech an der Halleffinall mat 3:0 géint d'Koreaner Kang Dongsoo a Lim Yunoh duerchgesat.
An dëser Finall spillen d'Lëtzebuerger um Sonnde géint déi russesch Koppel Nikita Artemenko/Maksim Grebnev, déi bei dësem Tournoi ob Nummer 1 gesat sinn.
