Am englesche Futtball huet den FC Chelsea en Dënschdeg de Moie matgedeelt, datt de Liam Rosenior den neien Trainer vun de Blues ass. Den 41 Joer ale Britt huet beim aktuelle Club-Weltmeeschter e Kontrakt bis 2032 ënnerschriwwen an ersetzt domat den Enzo Maresca, deen op Neijoerschdag entlooss gouf.
Chelsea huet vun deenen aacht leschte Matcher nëmmen ee gewonnen a wäert dës Saison an der Premier League mat der aktueller 5. Plaz wuel kee Wuert méi ëm de Championstitel matschwätzen.
De Liam Rosenior war bis elo Trainer vum Racing Stroossbuerg, deen aktuell op der 7. Plaz an der Ligue 1 steet. En Dënschdeg de Moien hat hie schonn op enger Pressekonferenz beim franséischen Éischtligist Äddi gesot a säin nächste Schrëtt indirekt annoncéiert.
