Beim Club aus der Forge du Sud ginn et direkt e puer Spiller, déi positiv op Coronavirus getest goufen. Dat gouf eis vun de Responsabele vum Club confirméiert.
Um 11.40 Auer e Mëttwoch de Moien huet d’FLF matgedeelt, dass de Match tëscht Diddeleng a Wolz net den 8. August gespillt gëtt, mä op den 18. August um 20 Auer verréckelt gëtt.
Déi leschte Saison goufen d’Matcher ëmmer ofgesot, wa méi wéi 3 Spiller positiv waren. Dat ass jo den Ament beim F91 de Fall. Déi 5 Spiller mussen elo fir 10 Deeg a Quarantän bleiwen.
