Den David Stern ass e Mëttwoch am Nomëtteg un de Suitte vun engem Hireschlag gestuerwen, deen hie virun 3 Wochen an engem Restaurant zu New York erlidden hat.
Vill fréier an aktuell NBA-Stars wéi Magic Johnson, Michael Jordan, Tony Parker, Dirk Nowitzki, Reggie Miller, Lebron James, Isiah Thomas oder Shaquille O’Neal hu via sozial Medien hiert Bäileed ausgedréckt an nach emol rappelléiert, wéi wichteg den David Stern fir d’NBA war. Hien hätt d’NBA zu deem gemaach, wat se haut ass.
