Nieft de Roude Léiwen waren en Donneschdegowend och aner Nationalekippen an der Qualifikatioun fir d'WM am Asaz. Dorënner eis belsch an däitsch Noperen.

D'Belsch hu sech am Ufank schwéier gedoen, kënne sech no 90 Minutten awer souverän géint Liechtenstein behaapten. Och déi Däitsch, déi am selwechte Grupp wéi Lëtzebuerg sinn, hate Krämpes géint d'Slowaken, déi Däitschland iwwert de ganze Match ewech dominéiert hunn, soudatt sech d'Slowaken um Enn verdéngt behaapten an de Favorit aus Däitschland schloe kënnen. Wéi d'Rout Léiwe gespillt hunn, kënnt Dir an dësem Artikel liesen.

Doriwwer eraus verspillt d'Tierkei géint Georgien bal eng 3:0-Féierung, wougéint d'Spuenier sech souverän géint d'Bulgare behaapte kënnen. Kee Gewënner gëtt et am Match tëscht Holland a Polen. Béid Formatiounen trenne sech 1:1.

D'Resultater vun deenen anere Matcher souwéi all d'Goler gesitt Dir hei am Iwwerbléck.

Grupp E

Georgien - Tierkei 2:3
0:1 Müldür (3'), 0:2 Aktürkoglu (41'), 0:3 Aktürkoglu (52'); 1:3 Davitashvili (63'), 2:3 Kvaratskhelia (90'+2)

Bulgarien - Spuenien 0:3
0:1 Oyarzabal (5'), 0:2 Cucurella (30'), 0:3 Merino (38')

D'Goler vun de Matcher aus dem Grupp E
D'Tierkei ka sech auswäerts a Georgien behaapten, wougéint sech d'Bulgare géint d'Spuenier musse geschloe ginn

Grupp G

Litauen - Malta 1:1
0:1 Satariano (83'), 1:1 Gineitis (90'+6, Eelefmeter)

Holland - Polen 1:1
1:0 Dumfries (28'), 1:1 Cash (80')

D'Goler vun de Matcher aus dem Grupp G
A béide Matcher vum Owend gëtt et kee Gewënner. Holland a Polen ewéi och Litauen a Malta trenne sech 1:1.

Grupp J

Kasachstan - Wales 0:1
0:1 Moore (24')

D'Goler vum Match tëscht Kasachstan a Wales
Um Enn kënne sech d'Waliser knapps mat 1:0 duerch e Gol vum Wrexham-Spiller Moore duerchsetzen.

Lichtenstein - Belsch 0:6
0:1 De Cuyper (29'), 0:2 Tielemans (46'), 0:3 Theate (60'), 0:4 De Bruyne (64'), 0:5 Tielemans (70', Eelefmeter), 0:6 Fofana (90'+1)

D'Goler vum Match tëscht der Belsch a Liechtenstein
Nodeems d'Belsch sech an der éischter Hallschent schwéier gedoen hunn, gewanne si um Enn awer souverän géint den Aussesäiter

Grupp A

Slowakei - Däitschland 2:0
1:0 Hancko (42'), 2:0 Strelec (55')

De Resumé vum Match tëscht der Slowakei an Däitschland
Däitschland erwëscht e schlechte Start an Qualifikatioun a muss sech mat 0:2 an der Slowakei geschloe ginn

All d'Resultater an d'Tabellen