Aus dem internationale Futtball ass et um Donneschdeg d’Nouvelle, datt den Timo Werner vun RB Leipzig aus der Bundesliga bei den FC Chelsea an d’Premier League wiesselt.
D’Englänner sollen 53 Milliounen Euro fir den däitschen Nationalspiller bezuelt hunn. Mat engem Verdéngscht vun iwwer zéng Milliounen Euro wäert de Werner bei de “Blues” zu de bescht bezuelte Spiller zielen.
