No de Victoirë vun Hueschtert, Hamm an der Jeunesse war et um Sonndeg d’Suite vum 21. Spilldag am nationale Futtball-Championnat bei den Hären.
De Liveticker vun all de Matcher fir nozeliesen.
Progrès Nidderkuer - Fola Esch 1:1
1:0 Tekiela (34'), 1:1 Hadji (86')
Béid Ekippe si gutt an de Match komm, ouni sech awer gréisser Chancen erauszespillen. An der 23. Minutt krut dunn de Ba op Säite vun Nidderkuer déi Giel-Rout Kaart gewisen. Ronn 10 Minutte méi spéit ass et der Lokalekipp dunn gelongen a Féierung ze goen. Mat engem schéine Solo huet den Tekiela d’Defense vun Esch stoe gelooss an esou de Gol markéiert. Trotz engem Mann manner war an der Paus d’Féierung fir de Progrés net onverdéngt. D’Fola konnt aus der Iwwerzuel näischt geféierleches maachen an ass déi eng oder aner Kéier un der Defense vun Nidderkuer hänke bliwwen.
Nom Säitewiessel huet d’Fola op den Ausgläich gedréckt, iwwerdeems de Progrès op Konterméiglechkeete gelauert huet. Kuerz viru Schluss ass dunn nach den 1:1 fir Esch gefall. No enger schéiner Flank vum Sacras ass de Stiermer vun der Fola Hadji zum Schoss komm an huet den 1:1 markéiert. Säin 21. Gol an dëser Saison. Bei dësem Resultat sollt et dann och bleiwen, d’Fola ass domat Leader an der BGL Ligue.
Union Titus Péiteng - Swift Hesper 0:1
0:1 Stolz (20')
Hesper kann duerch d'1:0-Victoire zu Péiteng de Retard an der Tabell op de Leader Fola op 5 Punkte verkierzen.
F91 Diddeleng - US Munneref 3:0
1:0 Schaus (25'). 2:0 Nader (84'), 3:0 van den Kerkhof (89')
Una Stroossen - Etzella Ettelbréck 1:1
1:0 Bernardelli (35'), 1:1 Hemkemeier (65')
FC Wooltz 71 - FC Déifferdeng
Wéinst Coronafäll bei Wooltz war de Match ofgesot ginn.
