De Bossi hat jo wärend der Saison annoncéiert, net zu Hueschtert ze bleiwen.
RTL-Informatiounen, datt de Jeff Strasser zu Nidderkuer als neie Coach presentéiert gëtt, goufen dann e Méindeg den Owend och vum Veräin confirméiert. Hie war jo d’lescht Saison bei der Jeunesse.
E Méindeg den Owend um 18.30 Auer huet de Progrès Nidderkuer hiren neien Trainer fir d’Saison 2022/23 an der Persoun vum Jeff Strasser virgestallt. De 47 Joer alen Trainer ënnerschreift e Kontrakt fir déi kommend Saison bei deene Giel-Schwaarzen. Iwwer d’Lafzäit wollt kee sech festleeën.
Assistéiert gëtt hien, ewéi dat schonn op der Escher Jeunesse de Fall war, vum Christian Joachim. Ënnert anerem goufen e puer nei Staff-Membere virgestallt:
Victor Da Costa - Directeur générale
Samuel Scholer – Directeur sportive
Jonathan Rigo - Team Manager
En Donneschdeg stellt den Nidderkuerer Veräin nach aacht nei Spiller vir.
