Zu St. Moritz an der Schwäiz konnt d’Lara Gut-Behrami sech d’Victoire mat enger Avance vun 0,18 Sekonnen op d’Italienerin Sofia Goggia sécheren. Komplettéiert gouf de Podium vun der US-Amerikanerin Mikaela Shiffrin, déi e Retard vun 1 Sekonn an 18 Honnertstel op d’Schwäizerin un der Spëtzt hat.
Beim Riseslalom zu Val d’Isère war et dann de Schwäizer Marco Odermatt, dee senger Favoritteroll gerecht konnt ginn a sech mat engem Virsprong vun 0,59 Sekonnen op den Zweeten Alexis Pinturault duerchgesat huet. Drëtten ass den Éisträicher Manuel Feller mat engem Réckstand vun 1,24 Sekonne ginn.
