D’Lucie Safarova aus Tschechien huet an hirer Véierelsfinall kuerze Prozess mat der Franséisin Pauline Parmentier gemaach. Mat enger klorer 2-Saz-Victoire (6:1 a 6:1) huet si sech fir d’Halleffinalle qualifizéiert. Hei kritt si et e Samschdeg da mam Anett Kontaveit aus Estland ze dinn. Si hat sech e Freideg am Nomëtteg och an 2 Sätz (6:4 a 6:4) géint d’Monica Puig aus Puerto-Rico behaapt.
Schonn en Donneschdeg den Owend haten d’Mandy Minella an d’Andrea Petkovic den Ticket fir d’Halleffinalle geléist. Si treffen e Samschdeg an der éischter Halleffinall openeen.
D’Halleffinalle fänken um 17 Auer un.
Hei fannt Dir d’Fotoe vun de Luxembourg Ladies Tennis Masters.
Luxembourg Ladies Tennis Masters: Halleffinallen
(mat Kommentar vum Tim Hensgen a Gilles Kremer)
Samschdeg, 21. Oktober 1. Halleffinall vu 17h un - Programm vum RTL ZWEE
déi zweet Halleffinall gëtt am Stream op RTL.lu gewisen.
Luxembourg Ladies Tennis Masters: Finall
(mat Kommentar vum Tim Hensgen a Gilles Kremer)
Sonndeg, 22. Oktober vu 14.30h un - Programm vum 1. RTL
