Dës Woch ass de Ken Diederich eisen Invité am Podcast Drëtt Hallschent, de Sport-Talk.
Mam Basket-Nationaltrainer hunn de Franky Hippert an de Jeff Kettenmeyer iwwert déi nächst 2 Matcher géint Island an Kosovo geschwat.
Donieft ass et och ëm d’Suitte vum Championnat mam T71 Diddeleng gaangen a wéi hien d’Zukunft vum Lëtzebuerger Basket gesäit.
De Ken Diederich huet awer och iwwert seng aktiv Zäit mat de Championstitelen zu Konter an den Ënnerscheed vum Basket vu virun 20 Joer géintiwwer deem vun haut geschwat.
De komplette Podcast fannt Dir och op Spotify an iTunes.
All Méindeg gëtt et eng nei Episod mat Invitéen aus der nationaler an internationaler Sportswelt.
Episod 1 mam Laurent Schwartz iwwer BasketEpisod 2 mam Dany Scholten iwwer HandballEpisod 3 mam Fabio Marochi, dem President vum Progrès Nidderkuer Episod 4 mam Rob Thillens iwwer seng 8 Joer als SportkommissärEpisod 5 mam Dan Maas iwwert d’Organisatioun vun engem WTA-TournoiEpisod 6 mam Ralph Diseviscourt iwwert säi 24-Stonne-WeltrekordEpisod 7 mam Dylan Pereira iwwert seng Saison am Porsche SupercupEpisod 8 mam Christian Wolfers iwwert de MotorsportEpisod 10 mam Bob Jungels iwwert eng komplizéiert Saison a seng Zukunft bei AG2R
