Zanter 2013 schafft d’Charlotte Rodier als Tennistrainerin zu Lëtzebuerg. Viru ronn sechs Joer huet déi gebierteg Franséisin am Tennis Spora ugefaangen an huet domat e Club fonnt, an deem si sech wuel genuch gespiert huet, fir hire Projet ze proposéieren. D’Iddi dofir hat si nämlech scho méi laang am Kapp.
Vun Ufank u gouf dem Charlotte seng Initiativ vum Comité mat Enthusiasmus begréisst a mëttlerweil och vum Oeuvre Nationale de Secours Grande-Duchesse Charlotte ënnerstëtzt. Zanterhier sinn zwee Joer vergaangen an de Veräin huet e puer nei Disziplinnen.
