Am Virfeld vun der Partie hate sech allerdéngs och schonn eng sëllege Fans virum Hotel vun der portugisescher Ekipp zesummefonnt. Si all wollten hire Liblingsspiller eng Kéier a Realitéit gesinn, och wa se keen Ticket méi fir de Match konnten ergatteren.
Nieft de Spiller waren och de portugisesche Premierminister an de portugisesche President op Besuch. Mir hunn déi zwee begleet an dem Staatschef och nach e puer Wierder op Lëtzebuergesch bäibruecht.
